Најчест проблем на плажа се изгорениците од сонце. Не може да се категоризира како болест, но сепак е повод за други сериозни заболувања, особено рак на кожата. Горењето на сонце може да доведе до главоболка, висока температура, зашеметеност, појава на меури, херпес.
Сончевата алергија доаѓа ненадејно и важи за сите возрасти за секој пол. Еднаш кога ќе се појави, таа засекогаш останува во организмот, така што единствено што може да направите е да го контролирате нејзиниот изглед. Сончевата алергија претставува заштитна реакција на кожата поради силното сонце. Се изразува во црвенило, чешање, мали меурчиња кои иритираат.
Габите на нозете се една од најнепријатните болести од плажа. Тоа ги погодува туристите во близина на базен, бидејќи таму има најмногу бактерии и опасноста од инфекција е највисока. Габите на нозете се изразени со чешање, белеење на кожата и создавање на непријатен мирис. Освен тоа, тие се заразни. За да се спречи ризикот од појава на габи секогаш носете влечки околу базенот и не позајмувајте туѓи, дури и кога станува збор за два чекора.
Друга состојба е конјунктивитисот кој може да биде предизвикан од неколку фактори. Од една страна, кога нуркате без употреба на подводни очила, водата може да го иритира окото и да го воспали. Од друга страна, ако сте го допреле окото со валкани раце или ако ви влегол песок. Како и да е, колку повеќе го допирате „гнездото“ на конјунктивитисот, толку е полесно да се рашири. Задолжително треба да одите кај офталмолог или ако немате во близина, консултирајте се со фармацевт во најблиската аптека.
Мускулниот грч е честа појава која може да биде опасна по живот за почетници ако не знаат што да прават. Грчот може да биде предизвикан од прекумерно мускулно оптоварување, дехидрација на телото, контакт со ладна вода или недостаток на минерали во телото. Тој е придружено со непријатна и тешка болка. Ако почувствувате дека ногата ви ја фаќа грч веднаш придвижете се кон брегот. Ако сте жртва на мускулен грч и сте на море, фатете го палецот и повлечете го. Другата опција е да се обидете под вода да го масирате болното место. Некои пливачи носат безопасна игла на костимот за капење, со која ја боцкаат ногата при грчот, за да и ја вратат чувствителноста.
Голема опасност се и скршени шишиња, нагризани школки, остар камен кои може да доведат до сечење. Микробите кои се демнат наоколу ја искористуваат можноста и создаваат предуслови за цревни инфекции и хепатитис. За жал, не може да се предвиди дали и кога може да се исечете. Ако тоа се случи, измијте ја раната со чиста вода, исчистете ја ако во неа влегол песок и исплакнете со хидроген 3 % или или со друго средство за дезинфекција.
