Со текот на годините се поголемо внимание обрнуваме на сигналите што ни ги испраќа телото, но и натаму неретко ги занемаруваме малите подрачја на телото, како пазувите. Но, токму овој дел од телото е исклучително важен бидејќи најавува одредени здравствени состојби.
Според стручњаците, на оваа листа на симптоми, кога се пазувите во прашање, треба да се обрне особено внимание.
Непријатен мирис дури и по туширање
Непријатниот мирис под пазувите е нормална појава. Но, сите знаеме како тоа се решава – туширање и дезодоранс. Ако мирисот под пазувите е постојан и силен, тоа е прв знак за потенцијални здравствени проблеми. Необичниот мирис кој не може да се отстрани дури ни по туширање може да биде сигнал за хормонален дисбаланс и пореметување на штитната жлезда. Ако овој мирис потсетува на мирис на „расипано овошје“ или „лак за нокти“, тогаш би можело тоа да е знак за кетоацидоза (телото не може да го метаболизира шеќерот).
Чешање
Чешањето под пазуви по бричење е нормално поради растењето на нови влакна. Но, ако не престанува тоа е уште еден сигнал дека нешто не е во ред со телото. Сериозна иритација може да предизвика кожата поради бричот, одредена облека и супстанца во кремите или дезодорансите. Црвените точки обично се појавуваат со вакво чешање и постои можност да станува збор за габички.
Осип
Во делот на пазувите секогаш е многу топло и влажно, а тоа создава подлога за репродукција на разни габични инфекции. Ако забележите црвенило, чешање и осип, најдобро е посетите дерматолог. Ваквите кожни реакции може да бидат поради триење на облеката или алергија.
Болка
Болка под пазувите не е причина за итна лекарска помош. Таа може да се појави по напорен тренинг или носење на тешки работи. Во таков случај, болката е привремена, Но, ако болката трае долго (неколку дена), немојте да ја игнорирате, одете на лекар.
Јазли
Лимфните јазли кои се наоѓаат под пазувите се целосно невидливи. Но, ако случајно забележите некој вид на јазол и оток, тоа сигнализира дека лимфните јазли сами се обидуваат да се соочат со некоја новопојавена инфекција. Состојбата треба брзо да се нормализира, но ако јазлите и натаму се присутни, и по една недела, побарајте лекарски совет. Доколку лимфните јазли се зголемени така што се гроздесто споени, нерамни се и штрчат над површината на кожата, тоа може да упатува на сериозна состојба.
Прекумерно потење
Ако седите, одите или спиете не би требало многу да се потите. Прекумерното потење можеби е од хиперхидроза при која потењето може да биде толку интензивно и од ништо да не е предизвикано што влијае на нормалното функционирање во секојдневниот живот. Побарајте помош за тој проблем бидејќи постојат различни решенија, од хируршки зафат или ботокс, до антиперспиранти што се издаваат на лекарски рецепт.
