Болката која сигнализира животозагрозувачка состојба, најчесто е интензивна, почнува нагло и поврзана е со низа други симптоми и знаци.
Ненадејна главоболка
Ако болката ви се појави ненадејно, и ако навистина е неподнослива, и проследена со мачнини и повраќање, вртоглавица, или со зуење во ушите, може да се работи за анеуризма до кој најчесто се доаѓа заради ослабени артериски ѕидови. Доколку не се лекува, може да дојде до пукање на крвните садови, а тоа доведува до потенцијален, фатален мозочен удар или крварење во мозокот.
Болка во забите додека пиете ладно
Ако забната глеѓ се оштети, таа може да го изложи нервот во внатрешноста на забот. Резултат на тоа е неподнослива болка, кога тоа ќе дојде во контакт со нешто ладно или жешко. Покрај чувствителноста, изложениот нерв исто така доведува до опасност за бактериска инфекција која може да се шири и на други делови од телото. Немојте да ја одложувате посетата на стоматолог.
Болка во дланката, раката и подлактицата
Доколку болката или вкочанетоста влијаат на прстите (особено палецот, показалецот и средниот прст), дланката и зглобовите и се шири кон подлактицата, може да имате синдром на карпален тунел. Ако не се лечи, мускулите на рацете може да се намалат, па дури може и да дојде до губење на функцијата.
Силна болка во градите (која се шири)
Болката во градите е класичен знак на срцев удар,предизвикан од недостаток на кислород кој допира до срцето. Болката може да се движи кон вилицата, рамената или вратот. Повикајте веднаш Брза помош.
Тапа болка во средишниот дел на грбот
Доколку болката постепено се влошува и е проследена со треска и мачнини, можно е да станува збор за инфекција на бубрезите. Обратете се кај својот доктор што е можно побрзо, бидејќи инфекцијата може да предизвика трајно оштетување на бубрегот, труење на крвта или целосно затајување на бубрегот.
