Болката која сигнализира животозагрозувачка состојба, најчесто е интензивна, почнува нагло и поврзана е со низа други симптоми и знаци.
Болка која почнува во долниот дел на грбот и се шири на нозете
Овој тип на болка обично е знак за ишијас, а е предизвикана од повреда или притисок на нервот. Разговарајте со својот лекар за болката и можностите за лекување.
Болка во долниот дел на стомакот
Ако имате и температура, мачнини и/или повраќање, би можело да имате воспаление на слепото црево. Пукањето може да доведе до сериозни проблеми.
Болка во карлицата или абдоменот
Менструалните грчеви се нормална и честа појава кај многу жени. Но, ако се влошуваат и не поминуваат, можеби станува збор за ендометриоза, состојба во која ткивото, кое треба да расте во матката, почнува да расте надвор од неа. Ако оваа состојба не се лекува, може да доведе до неплодност.
Болки и грчеви во нозете
Ако болката е проследена со црвенило, топлина и отекување, може да станува збор за згрутчување на крвта, односно венска тромбоза. Немојте да го масирате болното место, бидејќи тоа може да предизвика тромбот да дојде до срцето или белите дробови.
Постојано трнење и пецкање во стопалата
Ако причината за болки не е тешка активност со која сте се занимавале или некој вид на улеженост, туку се појавила без никаква причина и не поминува, а покрај трнењето имате чувство дека стопалата ви горат или како да ве прободуваат иглички, можеби станува збор за оштетување на нервите предизвикани од дијабетес. Ова може да предизвика и целосно губење на чувството во стопалата.
