Според некои податоци околу 23 % од возрасните лица живеат со чувство на болка во грбот, а од 60 до 80 % од луѓето имаат барем една епизода на грбна болка во текот на животот.
Причините може да бидат различни, па така најчесто се споменуваат механички проблеми, повреди на ‘рбетот како истегнување или фрактури, стекнати болести и состојби.
Понекогаш болката во грбот може да означува и проблеми во организмот, па е важно да се побара лекарска помош што побрзо.
Губите контрола над мочниот меур
Може да се работи за синдром кој се нарекува Cauda equine (синдром на коњски опаш), а означува сериозно вклештување на нервите и предизвикува болка во грбот и проблеми со мочниот меур и со цревата. Иако ретко се случува, оваа состојба бара итна медицинска консултација и проверка.
Болката се јавува во текот на ноќта
Повеќето луѓе кои имаат маки со ‘рбетот навечер можат да најдат одредена позиција која ќе им одговара. Но, ако вам ви тоа ви е невозможно или болката се јавува исклучиво во текот на ноќта, веднаш обратете се на лекар. Може да станува збор за инфекција на коските или за малигна состојба на ‘рбетот.
Чувствувате прободување
Болката која се јавува околу лопатките, во горниот дел од грбот, а за тоа нема посебна причина може да сигнализира на застој со срцето, особено ако болката прво се јави на делот околу градниот кош. Наглата болка која е силна и се јавува без причина бара преглед на лекар.
Болки во зглобовите
Црвенило, отоци, зголемена телесна температура и болка во зглобовите се вообичаени воспалителни знаци поврзани со артритис. Артритисот е термин што општо се користи за група од околу 100-тина ревматски состојби. Направете лекарска консултација, со преглед и тестови за да знаете што точно ви се случува.
