Болката во гради е еден од опасните по живот симптоми кој луѓето обично го пријавуваат, бидејќи често укажува на проблеми со срцето. Некогаш не смее несериозно да се сфати, бидејќи може да биде најава за престоен срцев удар.
Болката во градите може да биде симптом на еден од петте можни причинители:
Кардиоваскуларни проблеми: коронарна артериска болест, миокардитис и инфаркт на миокардот.
Белодробни компликации: плевитис, воспаление на белите дробови и белодробна емболија.
Гастроинтестинални проблеми: гастроезофагеална рефлуксна болест, пореметувања на езофагусните контракции и чир на желудникот.
Мускулно-коскени проблеми: напрегање на мускулите.
Психолошки проблеми: анксиозност и напади на паника.
Поврзани симптоми
Болката во градите обично се појавува со пратечки симптоми. Според лекарите, тоа вклучува краток здив, ладна пот, вртоглавица или замор, повраќање и мачнина. Пациентите болката во градите ја опишуваат како стегање или полност на градите, со силна, притискачка или жаречка болка која може да се шири во вилицата, вратот, рамената, рацете и грбот. Исто така, болката трае неколку минути и се влошува и при најмала физичка активност.
