Анксиозноста обично е прв знак дека нешто не е во ред, но депресијата ја следат и некои физички симптоми кои би било добро да се проверат со лекар. Според експертите, еве кои се физичките знаци на депресија.
- Потешкотии со спиењето
Проблемите со спиењето се чести кај луѓето кои се депресивни. Дури две третини од оние кои страдаат од депресија спијат лошо, не можат да заспијат, се будат ноќе или дури и спијат премногу.
- Болка во градите
Најчесто тоа е знак за проблеми со срцето, белите дробови или желудникот, но понекогаш е и симптом на депресија. Доколку чувствувате болка во градите, задолжително одете на лекар, а доколку тој исклучи проблеми со срцето и белите дробови, не заборавајте на вашето ментално здравје. Во исто време, депресијата може да го зголеми и ризикот од срцеви заболувања. Исто така, луѓето кои имале срцев удар имаат поголема веројатност да бидат депресивни.
- Замор и исцрпеност
Ако се чувствувате толку уморни што немате енергија за секојдневните задачи, дури и кога ќе се наспиете или одморите, тоа може да биде знак дека сте депресивни.
- Болни мускули и зглобови
Кога живеете со постојана болка, ризикот од депресија се зголемува. Депресијата, исто така, може да доведе до болка, бидејќи двете состојби делат хемиски гласници во мозокот. Луѓето кои се депресивни имаат три пати поголема веројатност да страдаат од хронична болка.
- Дигестивни проблеми
Мозокот и дигестивниот систем се поврзани, па многумина од нас имаат стомачни болки или гадење кога сме под стрес или загрижени. Депресијата и тоа како може да предизвика мачнина, дигестивни пречки, пролив или запек.
- Главоболки
Една студија покажува дека луѓето со тешка депресија имаат три пати поголеми шанси да имаат мигрена, а луѓето со мигрена имаат пет пати поголема веројатност да станат депресивни.
- Промени во апетитот или тежината
Депресијата е поврзана со нарушувања во исхраната како што се булимија, анорексија или прејадување. Некои луѓе немаат апетит кога ќе станат депресивни, додека други не можат да престанат да јадат. Резултатот може да биде зголемување на телесната тежина или губење на тежината, што може да биде придружено со недостаток на енергија.
- Болка во грбот
Луѓето кои се депресивни имаат четири пати поголема веројатност да развијат интензивни болки во вратот или грбот што значително го попречува секојдневното функционирање.
- Раздразливост
Ако сте раздразливи со денови или недели, можна причина е депресијата. Мажите имаат поголема веројатност од жените да бидат раздразливи кога се депресивни.
- Сексуални проблеми
Ако сте депресивни, големи се шансите да изгубите интерес за секс. Некои лекови на рецепт кои ја третираат депресијата исто така можат да влијаат на сексуалната желба, но има помош.
