Секој човек во некој момент искусил болка во окото, која најчесто после кратко време самата поминува. Сепак, лекарите предупредуваат дека болката во окото може да биде знак и на посериозни проблеми со здравјето. Непријатното чувство може да доаѓа од самото око или пак од неговата околина рожницата, белката, конјуктивата, ирисот, очната шуплина, надворешни мускули, очниот нерв или од капаците.
Во човековото око има многу густа мрежа на нервни завршетоци, кои се особено чувствителни, како рецептори за болка. Како резултат на тоа, очите се особено чувствителни на сите процеси кои се случуваат во организмот, како и на влијанијата од надворешниот свет.
Болката во очите понекогаш е само знак за замор, особено доколку многу време сме поминале пред дигиталните апарати, компјутери, таблети, мобилни телефони или кај некои професии, на пример заварувачите. Но, сепак, болката, особено доколку е долготрајна може да биде знак и за некои воспалителни процеси во организмот.
Најчести болести кои се манифестираат и со болка во окото се блефаритис, конјунктивитис, абразија на рожницата, кератитис, туѓо тело во окото, глауком, увеитис, оптички невритис, синузитис и јачменче.
Болката во окото може да се појави и со други симптоми како што се слабеење на видот, исцедок, главоболка, чувствителност на светлина, црвенило, солзење….
Лекарите советуваат секој што ќе ги искуси овие симптоми, особено доколку болката трае неколку денови по ред, а видот слабее или се заматува постојно има главоболка со или без или гадење и повраќање, секогаш да побара помош во здравствена установа.
