Кога станува збор за симптомите на КОВИД-19, повеќето веднаш помислуваат на зголемена телесна температура и кашлица, па потоа на губење на осетот за мирис и за вкус. Но, со тек на времето, утврдено е дека симптоми на новиот коронавирус може да бидат и дијареа, повраќање, мачнини, проблеми со слухот и сите овие знаци се ставени на листата на сигнали кои укажуваат на можна инфекција со SARS-CoV-2. Но, научниците дошле до констатација дека еден од клучните симптоми на болеста може да биде и болката во стомак.
Стручњаците предупредуваат дека болката во стомак може да биде симптом на вирусот, откако неколку пациенти како единствен симптом го пријавиле токму ова, а по тестирањето се покажало дека се позитивни на инфекцијата.
Иако, овој симптом засега не се јавува толку често, стручњаците сепак алармираат дека луѓето треба да го препознаваат како потенцијален знак на КОВИД-19 и апелираат при негова појава да се обратат кај својот матичен лекар.
