Постојат многу причини за болка во задникот, а освен воспаление на мускулите заради вежбање многу посериозните причини можат да бидат поврзани со некои сериозни здравствени проблеми. Болката може да биде остра, може да чувствувате грчеви, дури и онаа болка која многумина ја опишуваат како бодежи. Каква и да е, едно е сигурно – сакате поскоро да помине. Ова се само некои од причините зошто се јавува болката во задникот и како да се запре.
Имате менструација
Циклусот може да влијае на вашата столица. Компонентите слични на хормоните кои се нарекуваат простагландини прават матката да се контрахира и предизвикуваат грчеви кои можат да влијаат на тоа почесто да одите во тоалет. Можете да имате проблем со дијареја, помека столица и почест нагон за празнење. Острите болки може да се појават и во долниот дел од грбот и да се пренесуваат се до задникот.
Имате хемороиди
Хемороидите се отечени крвни садови кои се наоѓаат во пределот на аналниот отвор и ректумот. Трудниците им се почесто подложни, како и луѓето кои предолго седат или стојат, како и оние кои патат од запек. Постојат два вида хормони: внатрешни и надворешни. Чешањето или болката околу анусот, заедно со отокот, можат да бидат сигнали дека имате надворешни хемороиди, додека внатрешните предизвикуваат ректална болка која е проследена со крвавење. Обично се повлекуваат сами од себе, а ако не поминуваат после една недела и предизвикуваат голема болка, побарајте лекарска помош.
Имате ендометриоза
Околу 11 проценти од жените имаат ендометриоза, проблем кога ткивото кое треба да се создава во матката се создава надвор од неа. Ова ткиво најчесто се јавува околу јајниците и другите површини околу матката. Доколку ендометриозното ткиво се прошири по внатрешноста на стомакот може да чувствувате неиздржлива болка. Не постои сигурен лек за ендометриоза, а лекувањето опфаќа лекови или операција или и двете опции да се решение.
Имате генитален херпес
Постојат два вида на херпес: хепрес симплекс вирус-1 оли ХСВ-1 и херпес симплекс вирус-2 или ХСВ-2. ХСВ-1 предизвикува треска и е најчест облик на херпес, додека ХСВ-2 е познат ккао генитален херпес и не е толку вообичаен. Подоцна предизвикува болни трески и пликови исполнети со течност во близина на аналниот отвор и гениталиите. Доколку ги забележите овие симптоми во интимните делови тестирајте се на полово преносливи болести.
Имате анална фисура или аноректален апсцес
Аналната фисура е расцеп на аналниот отвор која се јавува кога имате мошне тврда или мека столица и предизвикува иритација. Доаѓа до оштетување на мускулите кои ги користиме за да ја контролираме работата на цревата, а како резултат на оштетувањето доаѓа до крвавење. Аноректалниот апсцес се јавува кога аналните жлезди во анусот се блокирани. Обавезно појдете на лекар.
Имате ишијас
Ишијатичниот нерв е тенок како прст и се спушта низ грбот, низ задникот до стапалата. Кога нервот ќе се приклешти понекогаш се јавува болка и во задникот. Трнење, скокот и чувство на болка се симптоми на ишијас, а доколку се сомневате дека имате ишијас обавезно појдете на лекар.
Имате синдром на пириформис
Често може да биде измешан со ишијас затоа што симптомите се мошне слични. Во прашање е невромускулно пореметување и предизвикува болка во колкот и задникот. Станува збор за грчеви и спазам на пириформниот мускул. Кога го помрднувате колкот се јавува болката слична на онаа кај ишијас во долниот дел од грбот. Физикална терапија, вежбање и истегнување можат да помогнат при ублажување на болката.
