Причините за болки во грбот може да бидат различни и најчесто се во прашање симптоми кои се појавуваат по некој невролошки проблем, односно вклештување на ишијасниот нерв или дискус хернија. Никако не треба да ги знаемарувате ниту лошите животни навики, т.е долготрајното седење и неактивност.
Нервите се виновни за болка во грбот
Ишијадикус е најдолгиот нерв во телото. Тој почнува од коренот на нервите кои излегуваат од лумбалниот, односно од слабинскиот дел на ’рбетниот столб, минува низ карлицата, се протега низ внатрешната страна на натколеницата, а неговите разгранети делови ја снабдуваат со нерви речиси целата нога. Доколку ишијансиот нерв е притиснат, најчесто по некоја дегенеративна промена на рбетниот столб, станува збор за ишијас, кој со лекови против болка во 90 % од случаите се лекува, и тоа во рок од шест недели.
Дали седите удобно?
Ден за ден седите во канцеларија, во автомобил или во автобус, на пауза за ручек или во фотелја пред телевизор. Во просек секој од нас поминува 11 часа днвено во седечка положба, што може да остави негативни последици по нашето здравје и општата добробит. Нашите тела не се дизајнирани за повеќечасовно непрекинато седење, поради што во нозете се акумулира крв, опаѓа снабденоста на ткивата со кислород и хранливи материи, метаболизмот се успорува, а неактивните мускули слабеат.
Кога е потребна операција при дискус хернија?
Од 100 пациенти со болки во грбот, дури 75 од нив имаат некаков облик на дискус хернија, со таа разлика што тегобите предизвикани од неа, се разликуваат од вообичаените болки во грбот. Околу 10-20 % од пациентите со дискус хернија може да се излекуваат оперативно, и тоа оние пациенти со вратна дискус хернија доколку дискот го притиснал ’рбетниот мозок и предизвикал слабост во нозете. Исто така, операција е неопходна во случај на слабинска дискус хернија, доколку дошло до пореметување на контролата на мокрење, столицата и потенцијата.
БИДЕТЕ СВЕСНИ ЗА ПОЛОЖБАТА ВО СЕКОЈ МОМЕНТ
Многумина од нас не можат да избегнат долго седење во текот на денот, но затоа со положба која е соодветна може да си обезбедите здрава и добра функција на ’рбетниот столб. Еве како…
ИСПРАВЕН ГРБ – Положбата во која грбот е исправен е најдобра кога седите во долги интервали. Колковите и колената треба да бидат под агол од 90 степени, а стапалата спуштени на под со цела површина и раздвоени. Во ваква положба грбот нема да се искриви.
СВИТКАН ГРБ – Долгото седење во оваа положба предизвикува голем притисок на внатрешните органи, вклучувајќи го и желудникот, што може да предизвика пореметување на варењето на храната, запоек и надуеност. Оваа положба, исто така, негативно влијае на метаболизмот.
ОПУШТЕНА ПОЗА – Иако ви изгледа дека ова е непристојна положба, сепак ова е најдобар начин да ги одморите нозете. Ако ги дигнете нозете на маса, обезбедувате правилна работа на вените и на лимфните садови. Ако сепак, не можете да ги дигнете нозете додека сте на работа, тогаш тоа направете го кога ќе дојдете дома, додека седите на тросед или во фотелја.
ПОЛУЛЕЖЕЧКА ПОЛОЖБА – Во текот на долгото седње, релаксирајте го телото така што ќе го истегнете грбот и ќе го опуштите стомакот. Но, во оваа положба се оптоваруваат вратните пршлени, па со тек на време може да се појави напнатост во вратот и во рамената. Затоа потрудете се повремено да станете од столот и да се движите, со што ќе стимулирате циркулација и ќе ја намалите напнатоста.
