Ако се поделат честите болки во рамената на четири групи, се покриваат сите болни синдроми на овој дел од телото и сите ја зафаќаат т.н. ротаторна манжетна. Тоа се тендинопатија, калцификати во рамената, делумно пукање на тетивата на мускулот супраспинатус и целосно пукање на овој мускул.
Ротаторна манжетна е спој на тетивите на четирите мускули кои тргнуваат од лопатката и се соединуваат во цврст сноп кој потоа се спојува со испакнатините на коската на надлактицата.
Оштетувањата на ротаторната манжетна најчесто се случуваат периферно.
Доволно е само еден дел од тетивата да биде зафатен и стабилноста на рамото значително ќе се наруши. Не е потребно да се падне или да се удри за да дојде до повреда на ротаторната манжетна.
Протракција на рамената, слабеење на мускулите, како и хипоциркулацијата може да предизвикаат промени и оштетувања на овој дел. Проблемот на ротаторната манжетна често може да биде проследен со воспаление на „слузната вреќичка“ на рамото.
Одржувањето на силата и стабилноста на мускулите на ротаторната манжетна во целост го намалува ризикот од болни тегоби и пукања. Терапијата со ултразвук, ласер или бранови може дополнително да го забрза опоравувањето, но никако не може да ја замени неопходната терапија со движење. Терапијата трае од неколку недели до неколку месеци, зависно од сериозноста на повредата.
