Потопете ги стапалата во врела вода – колку е потопла водата, толку е подобро. Држете ги нозете во вода 15 минути до половина час барем два пати дневно. Потоа измијте ги стапалата со антибактериски сапун. После миењето добро исушете ги нозете со чист пешкир, а потоа исечете ги ноктите. Потрудете се да ги сечете рамно затоа што доколку ги заоблите само ќе ја зголемите опасноста од враснување во кожата и всушност тоа е најчестата причина за враснување на ноктите на ножните прсти.
Со стерилна игла поткренете го враснатиот нокт од месото и внимателно ставете парче вата во меѓупросторот. Бидете трпеливи и немојте да туркате пресилно. Поставете памук под враснатиот нокт за да спречите иритација и инфекција на прстот, а потоа целиот прст завиткајте го со газа. Имајте на ум дека во спротивно прстот ќе биде во контакт со останатите прсти (во чорапите и чевлите) и дека ќе дојде до неизбежно потење.
Инфекцијата на прстот ќе ја препознаете по промената на бојата на овој дел од телото – и тоа од црвена до темносина боја. Доколку забележите инфекција на прстот или гној, најдобро е да побарате лекарска помош.
Кога сте дома дозволете нозете да дишат. Не носете чорапи и чевли (обувки) кога сте дома и кога тоа не е потребно.
Редовно проверувајте ја ситуацијата со ноктот, а барем еднаш дневно менувајте го памукот. Доколку ја одржувате хигиената на овој начин, проблемот со враснатиот нокт би требало да исчезне за неколку недели, кога ќе ви израсне нов и здрав нокт.
Воспалението на враснатиот нокт може да го спречите на следниот начин: Парче лимон ставете на оштетениот нокт, па завиткајте го со газа и оставете да делува преку ноќта. Киселината од лимонот ќе ви помогне да се борите против инфекциите.
