Луѓето се комплициран механизам, чувствителен на надворешните, но и внатрешните фактори. Психолот Сузан Бабеч, специјалист за депресија, изнела интересна теорија за тоа дека телото испраќа сигнали кога постојат психолошки проблеми и дала едноставни препораки за надминување на тие препреки. Доктор Бабеч смета дека непријатноста може да биде сигнал на внатрешни преживувања, тајни стравови и нерешени животни прашања и дека хроничната болка е симптом на стрес и емоционални проблеми, особено кога од физиолошка страна се е во ред.
Глава
Главоболката е производ на претеран напор, а причините често се големите очекувања и честата загриженост заради ситници и брзање.
Решение: Секојдневно одвојте време за себе, опуштете се и не мислете на обврските. Одморете се затоа што тие минути на неактивност ќе ја зголемат продуктивноста и главата нема да ве боли.
Врат
Непријатноста во вратот укажува на лутина и незадоволство заради несовршеностите. Вратот, исто така, боли и кога луѓето не можат да простат некому или себеси.
Решение: Размислете за својот однос кон себе и околината. Повеќето луѓе не сакаат да ве навредат, а вие не сте обвразни да се придржувате до своите ригорозни очекувања. Научете да простувате, да се опуштите, да мислите почесто на работите кои ги сакате.
Рамена
Болката во рамената укажува на емоционален товар и емоционален притисок кој доаѓа од опкружувањето. Исто така, може да биде сигнал и за големо двоумење.
Решение: Поделете ги своите проблеми со пријателите и ќе почувствувате моментално олеснување. Ако ви е многу непријатно, кога сте сами изговорете го на глас сето она што ве измачува. На тој начин можете да се натерате да дојдете до решение наместо проблемот да го чувате во себе.
Долен дел од грбот
Непријатноста во долниот дел од грбот укажува на грижа за пари и љубомора. Исто така, проблемот може да лежи во блиските луѓе кои ја наметнуваат грижата за парите.
Решение: Среќата не е во парите, најдобрите работи во животот се бесплатни. Правете го она што сакате. Активноста во која ќе го внесете сето свое битие ќе ви донесе големо задоволство, а можеби и перспектива за иднината.
Лакти
Болката во лактот укажува на недостаток на флексибилност и тврдоглавост. Најчесто е резултат на отпор кон промените во животот. Проблем може да направи и потсвесниот страв од новини.
Решение: Животот понекогаш е тежок, но често тоа само така изгледа. Можеби се самите комплицирате. Бидете пофлексибилни, не губете енергија на борба со она на што не можете да влијаете.
Раце
Болката во рацете е сигнал за недостаток на дружење со луѓето и опуштање. Кога ќе дојде до проблем, време е за излегување од затворениот свет и комуникација со луѓето.
Решение: Обидете се да стекнете нови пријатели. Излезете на ручек со колегите, пријателите или појдете на концерт. Почувствувајте се како дел од масата. Храбро влегувајте во разговори со нови луѓе, но внимателно бирајте ги новите луѓе.
Горен дел од грбот
Болката во горниот дел од грбот укажува на недостаток на емоционална поддршка, недостаток на блиски луѓе или потсвесно чувство дека луѓето не се доволно ценети.
Решение: Комуницирајте повеќе со различни луѓе. Бидете отворени, дружељубиви и не потиснувајте го во себе чувството на наклонетост.
Колкови
Овој проблем може да ги мачи луѓето кои се премногу приврзани кон предвидливоста на животот и удобноста. Патолошкиот страв од промени и спротивставувањето кон новитетите може да предизвика болки во колковите.
Решение: Не му се спротивставувајте на природниот тек на животот. Кога животот се движи и менува, со самото тоа е и поинтересен. Прифатете ги промените како возбудлива авантура и не одложувајте ги важните одлуки.
Колена
Болката во колената често е знак за големо его. Се јавува кога луѓето имаат превисоко мислење за себе, кога цврсто и бескомпромисно веруваат дека светот се врти околу нив.
Решение: Не сте сами на планетата. Бидете внимателни кон окружувањето и слушајте ги другите. Често помагајте им на луѓето, па не е лошо можеби да размислите и за волонтерска работа.
Потколеници
Болката во овој дел од телото е знак за емоционално преоптоварување, а ја предизвикуваат чувството на посесивност, љубовните проблеми, како и мачната и заслепувачка љубомора.
Решение: Морате да научите да му верувате на партнерот. Опуштете се и престанете да ја контролирате саканата личност. Оние кои не се во врска би можеле да заборават на старите пропаднати љубови.
Зглобови
Болката во зглобот укажува на тоа дека луѓето се запоставиле себе и дека заборавиле на сопственото задоволство. Најчесто тоа е производ на напорна работа или несериозно сфаќање на сопствените желби.
Решение: Време е да се посветите на себе. Заборавете на деловните обврски, кариерата и неуспешните љубовни врски. Испланирајте патување од соништата, отпатувајте и уживајте.
Стапала
Болката во стапалата може да биде производ на преголема апатија, страв од животот и правење на следни чекори. Се јавува кога луѓето потсвесно мислат дека се е лошо и не им оди во животот.
Решение: Препуштете се на радоста, убавината на опкружувањето и луѓето. Уживајте во вкусовите, мирисите, ветрот и сонцето. Набавете миленик или најдете интересно хоби. Исполнете го својот живот и одбегнувајте тажни спомени.
