Лицата со болни непца (пародонтитис) имаат поголем ризик од развој на висок крвен притисок (хипертензија), укажува нова студија. Се смета дека лицата со пародонтна болест треба да бидат повеќе информирани за овој ризик, за да со соодветни промени на начинот на живот како физички вежби и здрава исхрана, спречат развој на хипертензија.
Инаку, од хипертензија боледуваат 30 до 45% од возрасните лица. Исто така, таа е водечка глобална причина за прерана смрт. Пародонтитисот погаѓа над 50% од светската популација.
Треба да се истакне дека хипертензијата е главна превентабилна причина на кардиоваскуларните болести, додека пародонтитисот е поврзан со зголемен ризик од срцев удар и од мозочен удар. Се смета дека хипертензијата може да биде покренувач на срцев и на мозочен удар кај пациентите со пародонтитис (парадентоза).
