Добрата комуникација е темел на нормално функционирање во секој однос, но понекогаш може да дојде до потешкотии кога треба да се разговара за сексуалните прашања, објаснува ново истражување објавено во списанието Health24.
Не е до вас
Една од главните мисли кои можат да ја оптоварат една жена е дека можеби таа е причината мажот да не може да постигне ерекција и дека таа повеќе не го возбудува. Меѓутоа, мора да сфатат, потенцираат лекарите, дека тој проблем не е до жената. Имено, најчеста причина за еректилна дисфункција е оштетувањето на артериите, меките мускули и влакнестите ткива. Проблемите со крвните садови се 40% од проблемот со ерекцијата.
Охрабрете го да посети лекар
Општо прифатено е мислењето дека мажите треба да бидат силни и мажевни, а тоа создава проблеми кога станува збор за посета на лекар. Еректилната дисфункција може да биде индикатор дека во телото се одвива некој друг патолошки процес кој изискува медицинска помош. Според стручњаците, еректилната дисфункција може да биде индикатор за дијабетес.
Бидете му поддршка
Може да биде многу стресно кога ќе дознаете дека вашето здравје не е најдобро, особено ако се работи за некое сериозно пореметување. Освен тоа, мажите може да се чувствуваат помалку вредни кога нема да успеат да постигнат ерекција. Дозволете вашиот однос да биде сигурно прибежиште во кое партнерот своите стравови и грижи ќе може да ги подели со вас. Немојте да го осудувате.
Направете промени во спалната соба
Не дозволувајте вашето незадоволство да ескалира, бидејќи било каква караница може да доведе до нестабилност во врската. Објаснете му на својот партнер дека го поддржувате и дека немате желба да го менувате. Исто така, нема причина да се плашите дека неговиот проблем ќе го спречи сексуалното задоволство. Постојат сексуални помага со кои и двајцата партнери ќе се чувствуваат сексуално задоволени.
