“Сакав некако да помогнам во решавањето на овој глобален проблем предизвикан со новиот коронавирус. Еден од начините беше доброволно да примам вакцина која можеби ќе го спаси светот“, изјавил за српската телевизија НОВА, Бранко Рихтман, научник и микробиолог на Универзитетот Варвик во Велика Британија, кој неодамна примил од оксфордската вакцина против КОВИД-19.
Ритман на социјалните мрежи видел дека Оксфорд бара доброволци кои ќе ја примат споменатата вакцина против коронавирусот.
“Бараа доброволци за втората фаза од испитувањата и веднаш се јавив преку онлајн формулар. По неколку дена ме повикаа од болницата во се спроведува истражувањето. Ми поставија неколку прашања – колку години имам, каква ми е здравствената состојба, со што се зннимавам, колку често сум во контакт со луѓе… Повторно ме повикаа и ми рекоа дека ме прифатиле. Прво проверија дали имам антитела на КОВИД-19, оти мораа да знаат дали веќе сум бил изложен на вирусот – оти ако бев, тогаш не ќе можев да ја примам вакцината. Се потврди дека сум негативен и тогаш ме вакцинираа“, објаснува Рихтман, кој потекнува од Босна и Херцеговина и кој од 2012 година живее во Велика Британија.
“Јасно е дека без вакцина, вирусот постојано ќе се враќа и ќе имаме нови бранови на зараза. Ако се покаже дека вакцината е ефикасна и дава долгорочен имунитет, тоа ќе ги реши проблемите со вирусот“, додава Рихтман.
Тој истакнува дека по вакцинацијата немал нуспојави, а ниту пред одењето во болница не се плашел од рекацијата на серумот.
“Оваа вакцина е како и секоја друга која сум ја примил во детсвото и подоцна во животот. Некои нуспојави беа очекувани, како што се симптоми на грип – температура, главоболка, малаксалост, но јас ни тоа не го имав. Се помина во најдобар ред“, вели тој.
Оксфордската вакцина во првиот круг истражување ја примија 500 лица, а за вториот круг имало дури 20.000 доброволци.
Проверката на неговата здравствена состоја и контроли ќе траат една година.
“Се тестирам секоја недела пред ПЦР тест (земање брис од нос и грло), за да се следи дали сум заразен. Засега тестовите се негативни. На одреден временски интервал по вакцинацијата одам во болница каде преку серолошки тест се проверува присуството на антитела во организмот. Резултатите за ова ми се непознати, оти таков е принципот на тестирање. Лицата кои примиле вакцина не знаат до крајот на истражувањето дали примиле вистинска вакцина против КОВИД-19 или палцебо вакцина против менингитис“, објаснува Рихтман.
