Како зачин или како чај, босилокот е омилен поради својот извонреден и силен мирис како и заради фантастичната арома. Може да се употребува свеж или сув, во јадења или пијалоци, но и како моќно средство за инхалација кога сме настинати или ни се воспалени синусите.
Постојат многу причини зошто редовно да го користите, но ние ќе ви посочиме пет од нив.
Кралски мирис
Неговото име доаѓа од грчкиот збор basileus што значи крал, бидејќи уште античките Грци го сметале за крал на зачините. Босилокот расте како мала грмушка која може да биде висока од 30 до 60 сантиметри. Листовите се со светло зелена боја и доволно е само да ги допрете веќе ќе може да го почувствувате кралскиот мирис.
Помага при воспаленија на непцата, кашлица, синуси …
Босилокот може да помогне на жените кои имаат воспаление на јајниците и матката, како и оние кои се соочуваат со нередовна менструација. Чајот од босилек се препорачува за сите кои страдаат од воспаление на непцата или на слузницата на устата, кај настинки, грип, синуси и кашлица.
Одличен е за маринади
Комбинирајте го со пиперка, модар патлиџан, компир, тиквички и домати. Добар е со сирења, пилешко, риба и свинско месо. Исто така е одличен во маринадите и преливите за салата. Користете го во комбинација со лук во прав, рузмарин, мајчина душица, оригано и мајоран.
Го зајакнува имунитетот
Босилокот го зајакнува имунолошкиот систем, особено при опоравување по настинки или грип
Го поттикнува варењето на храната
Босилокот отвора апетит, го подобрува варењето на храната, помага да се смири воспалението на слузницата на желудникот и цревата, ги олеснува грчевите и помага да се решат проблемите со подуеност, гасови, мачнини или запек.
