Паровите кои постојано се критикуваат еден со друг и превртуваат со очи додека се расправаат, изложени се на поголем ризик од воспаленија во организмот, покажала новата студија. Некои претходни истражувања откриле дека хроничните воспаленија во организмот може да предизвикаат воспалителни болести на цревата, ревматоиден артритис, па дури и канцер.
Водечкиот автор на студијата д-р Џенис Кикот Глејсер од Универзитетот во Охајо вели дека кавгите меѓу паровите предизивкуваат многу голем стрес „заради тоа што партнерот обично е примарна поддршка, а во проблематичниоит брак станува главен извор за стрес„.
„Мислиме дека ваквиот, секојдневен стрес, барем кај некои луѓе предизвикува промени во цревата и доведува до воспаленија и претставува потенцијал за многу болести„., нагласува д-р Кикот Глејсер. Резултатите од студијата покажале дека паровите кои имале непријателски однос за време на расправијата по тоа имаат повисоко ниво на протеини ЛБП во крвта, кои се поврзуваат со некои воспалителни болести. Оние кои имаат повисоко ниво на овој протеин, исто така имаат и 79% повеќе Д- реактивен протеин, кој инаку е маркер за воспаленија.
Научниците истакнуваат дека брачните кавги го зголемуваат ризикот од воспаленија кај паровите кои постојано се караат, особено кај оние каде ден од партнерите веќе боледува од депресија.
