Природата на мажите им дала моќен штит што жените го немаат – тоа е брадата. Таа го штити лицето на мажот од изгореници, од сонце, алергени и од брчки. Сепак, брадата оваа функција ја има само доколку редовно се негува и се одржува хигиената, открива познатиот дерматолог Ивана Нола.
Таа објаснува дека првата предност на брадата е што служи како УВ фактор. Истражувањата покажуваат дека ги спречува до 95 отсто од штетните сончеви зрачења, во зависност од густината. За да ги искористат нејзините предности, мажите треба правилно да ја негуваат самите или да ја препуштат на искусните раце на берберите.
„Влакната на брадата имаат силен и дебел корен кој служи како одлична поддршка за кожата, што придонесува мажите да имаат помалку брчки отколку жените. Брадата ги штити и од други надворешни влијанија, како што се студот или топлината”, вели Нола.
Додава дека ако брадата е густа, особено на вратот, таа заштитува и од леден воздух, па може да спречи болки во грлото и настинки. Брадата, а особено мустаќите, штитат и од алергии со блокирање на влезот на алергените и поленот во носот, така што белите дробови се подобро заштитени од потенцијално опасни честички.
