Откриени се значително поголеми количества бактерии во примероците од брадите на мажите во споредба со крзното на кучињата. Со тестирање е востановено дека во брадите на сите мажи е откриен висок процент на микроби, а еднаково висок процент е најден и кај 23 од 30 кучиња вклучени во истражувањето.
Дури кај седум мажи се најдени микроби кои претставуваат закана за човековото здравје. Се работело за Enterococcus faecalis, цревна бактерија која најчесто предизвикува инфекции на уринарниот систем кај луѓето и во неколку случаи Staphylococcus aureus, бактерија која најчесто се наоѓа на кожата, но може да предизвика сериозни инфекции ако влезе во крвотокот.
Со оглед на тоа дека МРИ скенерите се прескапи за повеќето ветеринарни амбуланти, тестирањата се спроведени на Одделението за радиологија на една европска болница, која секоја година обавува околу 8000 магнетни резонанци на луѓе.
Намерата на истражувањето не била да се натераат мажите да се бричат, туку да се предупредат управите на болниците на тоа дека пациентите оставаат многу повеќе потенцијално заразни бактерии на разните болнички површини, како и дека нивната стерилизација и дезинфекција не се доволни за да се реши овој проблем.
