Лабораториските анализи какоо пред, така и за време на бременоста многу се важни за здравјето на жената, но и за детето. Пожелно е пред бременоста да се посети гинеколог и да се направи комплетен преглед. Освен ултразвук, лекарот ќе ја провери и состојбата на грлото на матката, како и самата матка и јајчниците.
ТОЧЕН НАОД
Секоја жена треба најмалку еднаш годишно да направи ПАП-тест со кој се утврдува ризикот од преканцерогени и канцерогени состојби на грлото на матката. Важно е лекарот да земе и примерок од вагинален и цервикален брис за анализа, како би се откриле евентуални инфекции со бактерии, како што се кламидија, микоплазма и уреаплазма. Овие бактерии се чести, а може да спречат бременост или да предизвикаат спонтан абортус.
Брис од цервиксот е најлесен и најчест начин на откривање на инфекции во женскиот репродуктивен систем и тој спаѓа во стандардните прегледи кои ги изведува секој гинеколог. Најчесто се прави кога постои сомнеж за заразни болести, не важно дали се предизвикани од вируси, бактерии или габи. Важно е навреме да се открие инфекцијата бидејќи ненавременото лекување на речиси сите инфекции предизвикува неплодност.
Неколку дена пред земање на брисот не се препорачува користење на тампони, средства за интимна нега и хигиена кои можат да ја нарушат природната пХ вредност, ниту користење на вагинални лекови, испирање на цервиксот и барем два дена апстиненција од сексуален однос, се со цел наодите да бидат што поточни.
Брисот на цервиксот може да докаже постоење на бактериолошка инфекција, вирусни и габични инфекции.
