Ризикот од хоспитализација со варијантата на коронавирусот – омикрон, претставува само една третина ризик од делта варијантата, покажала британска анализа на повеќе од еден милиони случаи на двата соја во последните неколку недели.
Велика Британија се соочува со зголемување на бројот на случаи на КОВИД-19, поради исклучително инфективната омикрон варијанта. Иако приемите во болниците почнале да растат, надлежните велат дека веруваат дека нова варијанта е многу поблага од делта.
Бројот на пациенти на кои им е потребен респиратор главно бил стабилен низ декември, за разлика од претходните пикови на пандемијата.
Анализата ја објави Агенција за здравствена безбедност на Британија во соработка биостатичкиот оддел при Универзитетот во Кембриџ. Анализирани биле 528.176 случаи на омикрон и 573.012 на делта сојот.
Притоа, биле утврдено дека вакцината против КОВИД-19 добро делува против омикрон варијантата.
“Во оваа анализа, ризикот од хоспитализација е 82 отсто понизок по третата доза во однос на невакцинираните случаеви на инфекции со омикрон“, објави Агенцијата.
Сузан Хопкинс, главен здравствен советник во агенцијата, вели дека анализата е во склад до останатите охрабрувачки знаци поврзани со омикрон варијантата, но нагласува дека здравствениот систем и понатаму може да се најде во проблеми со толку висока стапка на заразност.
“Премногу е рано за дефинитвни заклучоци за сериозноста“, додава таа, потенцирајќи дека веројатно ќе дојде до значаен притисок на здравствениот систем во неделите што следат.
