Нема докази дека алкохолот по вакцинацијата против КОВИД-19 влијае на ефикасноста на вакцината, објави британската регулаторна агенција за лекови, која реагираше откако на социјалните мрежи се пласираа информации дека е потребно да се воздржува од алкохол, две недели по примање на вакцината.
“Засега нема докази дека алкохолот влијае на ефективноста на вакцината против коронавирусот. Исто така, ништо во информациите на производителите на вакцини, ниту пак во упатсвата од британските здравствени служби не упатува на таков заклучок“, потенцираат од Агенцијата.
Се смета дека тероијата за двонеделната апситененција од алкохол по вакцинирањето, почнала од Русија, каде еден од надлежните јавно предупреди дека алкохолот може да и наштети на способноста на организмот да развие антитела.
Илхем Месоаоуди, директорка на Центарот за истражување вируси при калифорнискиот универзитет, вели дека обилното консумирање алкохол општо го нарушува имуниот систем и консументите ги прави ранливи на инфекции.
“Но, кај лица кои алкохол консумираат во умерени количини, не постои никаков ризик“, истакнува таа, појаснувајќи дека под умерена консумација се сметаат не повеќе од два алкохолни пијалаци дневно за мажите и еден за жените.
