“Некои извештаи упатуваа на тоа дека пушењето има заштитен ефект кога е во прашање КОВИД-19. Но, на тие студии лесно може да влијае пристрасноста во методологијата“, вели Марио Фалчи, главен автор на истражувањето кое го спровеле научниците од Кралскиот колеџ во Лондон, а во кое учествувале два и пол милиони испитаници.
“Нашите резултати јасно покажуваат дека пушачите се поподложни на поголем ризик од инфекција со коронавирусот и дека страдаат од поголем број симптоми во однос на непушачите“, истакнува тој.
Британските научници користеле податоци од апликација, која е развиена за да се следат симптомите на КОВИД-19 и ширење на заразата. Корисниците морале да наведат информации за својата возраст, висина, тежина, пол и пушење цигари. Потоа, одговарале на низа прашња за своите симптоми и нивната терапија.
Во споредба со непушачите, меѓу активните пушачи воочена е 14 процентна поголема веројатност дека ќе развијат три најчести симптоми на КОВИД-19 и тоа: покачена телесна температура, краток здив и кашлица.
Уште поголема, за 29 проценти е веројатноста дека во нивниот случај ќе развијат пет или повеќе симптоми, дури 50 проценти дека ќе имаат над 10 симптоми на КОВИД-19.
Најчести пријавени симптоми, покрај споменатите три, биле губење на осетот за мирис, губење на апетитот, замор, пролив, болка во мускулите.колку повеќе симптоми, толку поголема е веројатноста за развој на потешка клиничка слика, објавија научниците со списанието Thorax.
Веројатноста дека ќе завршат во болница во споредба со непушачите, кај пушачите кои биле позитивни на тестот, била 50 проценти поголема.
Нема сомнеж, велат научниците, дека пушењето предизивкува потешки симптоми и ги зголемува шансите за хоспитализација, но е поврзано и со помал број позитивни на ПЦР тестовите.
Студијата не ги доведува недвосмислено во прашање оние истражувања кои укажуваа на можниот заштитен ефект на никотинот, но тоа се однесува само на асимптоматскиот КОВИД-19.
Д-р Фалчи, тврди дека анализата без оглед на споменатите податоци, укажува на тоа дека пушењето го зголемува ризикот од хоспитализација и истакнува дека откажувањето од цигари е една од работит кои може да се превземат за да се спречат псоледиците од КОВИД-19.
