Најновото истражување на експертите од Универзитетот на Гринич, во Велика Британија, покажало дека две пинти пиво (помалку од еден литар) поефикасно ја намалуваат болката од парацетамол! Тие ја објаснуваат својата теорија: имено, кога количината на алкохол во крвта ќе се зголеми на околу 0,08 отсто, во телото доаѓа до повисока толеранција на болка, а тоа резултира со тоа што интензитетот на болката, која ја чувствуваме, е помала – во овој случај за околу 25 проценти.
Истражувачите велат дека се уште не е сосема јасно како точно алкохолот делува во телото за чувството на болка да биде помало, има ли некакво влијание врз рецепторите во мозокот или можеби го намалува чувството на тегоба и ја менува перцепцијата на болката, па таа повеќе не е толку силна како што ни изгледала пред пиењето, пишува британски „Индепендент“.
Секако, со алкохолот треба да се биде внимателен. Прекумерното консумирање алкохол на долгорочна основа предизвикува повеќе проблеми
Ако сакаме да направиме лек против болки кој нема штетни несакани ефекти, алкохолот би можел да биде подобро решение од лековите кои се моментално на пазарот. Алкохолот има посилен ефект од лековите како што се парацетамол и кодеин, објаснил д-р Тревор Томпсон, додавајќи дека резултатите од нивното истражување, сепак, не би требало да бидат оправдување за неумерено консумирање алкохол.
Дека со алкохолот треба да биде внимателен, се согласува и Росана О’ Конор, директорка на Одделот за алкохол и дрога во британското јавно здравство. „Прекумерното консумирање алкохол долгорочно предизвикува повеќе проблеми. Подобро е да го посетите вашиот лекар“, додала О’ Конор.
