Земањето антидепресиви може да придонесе за зголемување на телесната тежина, покажала новата британска студија. Имено, се докажало дека луѓето кои земаат антидепресиви имаат 21 отсто поголема веројатност да „качат“ дополнителни 2,3 до 3,6 килограми.
Важно е да се нагласи дека ниту еден пациент не би требало да престане да ги зема своите лекови поради резултатите од истражувањето, а во случај на дилема, секако, би требало да се консултира со својот лекар
Истражувачите забележале дека ризикот од зголемување на телесната тежина бил најголем после две до три години континуирана употреба на антидепресиви, а траел дури шест години.
Кај луѓето кои веќе имале прекумерна телесна тежина, земањето антидепресиви го зголемува ризикот од дебелина за 29 проценти.
Пациентите кои добиваат на тежина при терапија со антидепресиви треба да практикуваат здрава исхрана и вежбање.
За пациентите кои повеќе не сакаат да земаат антидепресиви, се препорачува когнитивно-бихејвиорална терапија, пишува „BMJ“.
