Уште едно ново истражување оди во корист на хипотезата според која летните горештини, влагата и сонцето треба да го спречат – ако не и да го стопираат – ширењето на коронавирусот. Но, стручњаците за заразни болести исто така предупредуваат: сите позитивни страни на веќе споменатите летни услови, може брзо да “паднат во вода“ ако луѓето не продолжат да држат социјална дистанца.
“Тука за времето, најдобро е да се размислува како за секундарен фактор“, вели Мохамед Џалали, доцент на Хравард кој истражувал како времето влијае на ширењето на вирусот.
Пливањето во хлориран базен треба да биде безбедно, под услов да луѓето бидат на меѓусебна оддалеченост од два метра, а се препорачува и носење маски, но не во вода, бидејќи кога се мокри тие можат да го отежнат дишењето, објави Центарот за контрола превенција на болести.
“Нема докази дека КОВИД-19 може да се шири преку водата во базените, врелите купки или бањите. Со правила работа и одржување (вклучувајќи деизнфекција со хлор и бром) на овие објекти, вирусот во водата би требало да се деактивира“, објаснува Кејт Грушиќ, портпарол на Центарот.
Но, луѓето се уште може да го пренесат вирусот преку блиски лични интеракции, во било кои услови, надвор или внатре, на сонце или на дожд. Глобалната слика открива дека коронавирусот може да се шири во било која клима – земјите со потопли временски услови, како Сингапур, Индонезија, Бразил и Еквадор бележат значајно ширење на вирусот.
Во последните неколку недели бројни истражувачки студии, темелени на лабораториски експерименти, комјутерски модели и софистицирани анализи, го поддржале мислењето дека летно време значајно ќе се намали ширењето на коронавирусот.
Досега е откриено дека просечна температура над 25 степени Целзиусови, значајно го намалува ризикот од инфекција. Но, доаѓањето на летото нема да биде доволно во целост да се стопира преносот на коронавирусот.
Останатите коронавируси како САРС и МЕРС покажале сезоналност – слабееле во текот на топлиот период, како и сезонскиот грип, а многу стручњаци веруваат дека новиот КОВИД-19 може исто да се однесува. Но, сезонските фактори кај пренесувањето на вирусите делуваат и обратно, па по намалување на заразата во лето, веројатно би следел пораст на инфекцијата во есен.
Дејвид Хејман, професор на Школата за хигиена и тропска медицина во Лондон, сеедно предупредува дека лабораториските студии за однесувањето на коронавирусот во различни временски услови треба да се земат со големо внимание.
“Тоа сепак не се вистински ситуации. Од ден во ден сведочиме на пренос на вирусот КОВИД-19 во повеќе делови во светот, па дури и во тропски подрачја“, додава проф. Хејман.
