Колку често се будите навечер и одите во тоалет? Ако тоа ви се случува постојано, а понекогаш и повеќе пати во текот на ноќта, имате проблем – не само што ви е нарушен сонот и биоритамот, туку постојаното мокрење навечер може да биде штетно и за внатрешните органи.
До претерано ноќно уринирање може да дојде поради големо консумирање на течности, но и поради друг здравствен проблем, тврди нова студија.
Истражувањето на Европското кардиолошко здружение тврди дека зачестеното мокрење навечер може да биде индикатор на висок крвен притисок.
“Нашата студија покажува дека морате постојано да одите во тоалет навечер, што се нарекува ноктурија, можно е да имате зголемен крвен притисок и/или вишок течности во телото“, тврди д-р Сатоши Коно.
Истражувањето се фокусирало на поврзаноста на ноќното мокрење и хипертензијата кај јапонската популација. Научниците откриле дека ризикот со крвниот притисок е поглем, ако почесто се станува навечер поради уринирање.
“Откривме дека станувањето од сон поради потребата за уринирање е поврзана со 40% поголеми шанси за хипертензија. Повеќе одења во тоалет значи поголем ризик. Раното откривање и лекување на зголемениот крвен притисок се клучни за спречување на кардиоваскуларни болести. Треба да се има предвид дека ноктуријата не е поврзана само со проблеми со уринарните патишта, туку и со болести како што е хипертензијата“, објаснува д-р Коно.
Но, тоа не значи автоматски и дека сте пациент со кардиоваскуларен проблем.
“На врската помеѓу хипертензијата и ноктуријата може да влијаат бројни фактори, како начинот на живот, внесот на сол и генетиката“, потенцира д-р Коно.
