![СИПАНИЦИ](https://panacea.mk/wp-content/uploads/2019/04/SIPANITSI-696x391.jpg)
Според најновите податоци на Светската здравствена организација, бројот на заболени од мали сипаници (морбили) во светот, во првите три месеци од 2019 година е зголемен за 300%, во споредба на истиот период минатата година.
Во првото тромесечје од оваа година, 170 земји пријавиле 112.163 случаи на морбили, во однос на 28.124 случаи од 163 земји во првите три месеци минатата година.
Во Светската здравствена организација проценуваат дека реалната бројка на заболени од морбили е и до десет пати поголем, со оглед дека само дел од заболените уредно се пријавува.
Заразата со морбили е во пораст веќе трета година по ред, поради падот на бројките на вакцинација на населението.
![](https://panacea.mk/wp-content/uploads/2019/04/SIPANITSI-1-750x421.jpg)
Стручњаците истакнуваат дека болеста може успешно да се превенира ако е имунизирано 95% од населението, но податоците покажуваат дека глобалната вакцинација со прва доза на вакцина против морбили, последните години е падната на 85%, додека втора доза примиле само 67% од популацијата.
Речиси една третина од заболените со морбили се хоспитализирани поради компликации кои може да доведат до инвалидитет, оштетување на мозокот, слепило и губење на слухот.