Бројот на заразени со новиот коронавирус во светот расте. Но, и покрај големите бројки, се помалку има смртни случаи, а клиничките слики се се поблаги. Што значи тоа? Дали вирусот е ослабен во однос на оној од пред неколку месеци, дали сме стакнел некаков имунитет и дали најлошото всушност помина? Тоа се некои од прашањата на кои британскиот весник Гардијан побара одговор од бројни познати научници.
- Паѓа ли бројот на смртни случаи од КОВИД-19?
Повеќето статистички показатели укажуваат дека бројот на заболени во Европа и САД расте, но бројот на сериозни компликации и смрт останува релативно низок. На пример, бројот на пациенти на респиратор во Велика Британија падна од 3.000, колку што имаше во пикот на првиот бран, на 70 колку што се во моментов. Во исто време бројот на заразени во Велика Британија расте.
- Што стои зад тој тренд?
Лекарите не се сигурни што точно се случува. Некои сугерираат дека лекарските интервенции денес се многу поуспешни кога се работи за пациенти со потешки форми на болеста. Други пак велат дека има уште фактори и сугерираат дека КОВИД-19 стана болест на младите луѓе кај кои е помалку веројатен развој на компликации и смртен исход.
- Значи ли тоа дека најлошто помина?
Не. Дел од истражувачите укажуваат на ситуацијата во САФ каде неодамна дојде до пораст на бројот на заразени на возраст помеѓу 20 и 30 години, а потоа уследи скок на случеви помеѓу повозрасните лица кои болеста ја добија од помладите. Резултатот беше поголем број на смртни случаи. Слично сценарио може да се случи и во Европа и тоа можеби за неколку недели.
- Станува ли вирусот помалку смртоносен?
Дел од научниците ја поддржува таа теза. Тие нагласуваат дека повеќето вируси со тек на време го губат своето смртоносно својство, бидејќи целта им е да преживеат во домаќинот, а не да го убијат. Тоа може да се случи и со вирусот SARS-CoV-2. Други пак ја отфрлаат таа теза, тврдејќи дека е прерано да се одвива таа постапка. Алтернативното толкување на помалата смртност е дека, благодарение на социјалната дистанца и останатите мерки, луѓето се изложуваат на значајно помали количини на вирусот од претходно. Нашиот имун систем, помала количина на вирус, полесно ја поднесува, поради што и смртноста е помала.
Сепак, научниците истакнуваат дека ова прашање уште со месеци, ако не и со години, ќе биде предмет на различни истражувања, со цел да се добијат конечни и недвосмислени одговори.
