Се проценува дека бројот на жени кои починале од рак на белите дробови до 2030 година ќе порасне за 43 проценти и ќе го надмине бројот на оние кои починале од рак на дојка, покажала новата студија. Инаку, се проценува дека глобалната стапка на рак на дојка е намалена за 9 отсто.
За зголемувањето на смртноста на ракот на белите дробови е одговорен се поголемиот број на жени кои пушат, додека за намалување на смртноста од рак на дојка, придонесува раното откривање на рак на дојка и подобрување на лекувањето на болеста.
Според мислењето на експертите, напорите за превенција на рак на белите дробови треба да се фокусираат на избегнување и конечно оставање на цигарите
Во моментов, водечки карциноми во смисла на смртност кај жените се рак на дојка, рак на дебело црево, рак на белите дробови, рак на грлото на матката и рак на желудникот, пишува „Cancer Research“.
