Во минатото брусницата најчесто се користела против болки и проблеми во дигестивниот систем, а последните децении најмногу се зборува за улогата на ова црвено зрнесто овошје во превенција и ублажување на уринарните инфекции.
Имено, антиоксидантите од брусницата ја обложуваат слузокожата и спречуваат патогентите бактерии да се закачат за неа. На овој начин брусницата штити од забен плак, парадентоза и кариес, од чир на желудникот (ја зајакнуваат желудочната слузница) и особено за хронични воспаленија на уринарниот тракт место антибиотици, кои во одредена мерка се поефикасни, но доведуваат до бактериска резистенција.
Едно истражување, исто така, покажало дека сокот од брусница (во доза од две чаши дневно) ја намалува ригидноста на артериите кај пациентите со коронарни болести и на артериите им ја враќа нивната еластичност.
Брусницата е најдобро да се зема во облик на сок (внимавајте да биде без дополнителен шеќер), гел-капсули или чај од сушени бобинки.
