Многумина се жалат на главоболка, шум во ушите, поспаност, заборавеност, лоша концентрација и други слични симптоми, не поврзувајќи ги појавените тегоби со можната лоша циркулација.
Појавата на грчеви во екстремитетите, замор на мускулите при оптоварување, чувство на студенило и трнење, промена на бојата на кожата на рацете и на нозете, исто така, може да бидат последица на лошата циркулација.
„До вакви појави доаѓа поради неухранетост на ткивата и органите со крв богата со кислород, која преку артерсикиот крвоток стига од срцето и белите дробови. Секое пореметување на артериската циркулација доведува до оштетување на функциите на органите и нарушување на здравјето. Циркулацијата станува лоша поради различни заболувања кои ги оштетуваат артериите. Атеросклерозата е највпечатлива од сите, бидејќи е хронично, системско, дегенеративно, инфламаторно заболување кое со тек на времето доведува до стеснување и таложење на крвните садови“, објаснуваат васкуларните хирурзи.
Без разлика на генетската склоност и оптовареноста со болестите кои доведуваат со лоша циркулација, секој може да одреден начин овој несакан процес да го забави, па дури и да го спречи. За да се успее во тоа треба да се намали седењето и да се избегнува нозете да се држат прекрстени или долго да се стои. Дишењето треба да е длабоко бидејќи така се зголемува капациетот на белите дробови и се внесува повеќе кислород, неопходен за метаболизмот на клетките.
