Кога станува збор за житарки, повеќето од нас се ограничуваат на неколку добро познати како што се ориз, овес (најчесто како снегулки), евентуално просо или хељда. Во последно време се попопуларни се киноа, кус-кус и слични житарки, додека некои постари житарки како јачмен или амарант, речиси се заборавени. Во нив спаѓа и булгурот, стара житарка, која најмногу се користи во ориенталната кујна, во Турција или Индија.
Булгурот е многу здрава житарка и може да биде замена, на пример, на интегралниот ориз. Се добива од дурум пченица и е нејзина многу здрава варијанта. Покрај тоа, за подготовка и треба многу малку време, околу десет минути.
Лековити својства на булгурот
Булгурот е многу здрава житарка која се препорачува дури и на оние кои строго внимаваат што јадат. Содржи малку масти, па е нискокалорична. Затоа и често се додава во јадењата како замена за ориз. Нејзините лековити својства се состојат во поттикнување на варењето, поволно делува на циркулацијата на крвта и го зајакнува имунолошкиот систем. Затоа е одлична во превенција на многу болести, особено хронични. Се препорачува нејзино редовно консумирање и кај децата, бидејќи го забрзува развојот.
Сложените јаглехидрати на булгурот го регулираат нивото на шеќерот во крвта, спречуваат брз пораст и пад на инсулинот во крвта
Бидејќи има многу растителни влакна, поволно делува на хроничната констипација, надуеноста и грчевите во стомакот, а на крајот, и на општото подобрување на варењето на храната.
-
Минералите во булгурот ги зајакнуваат коските.
Оваа житарка одржи големи количини на железо, фосфор и манган. Поради тоа им се препорачува и на анемични, но и на луѓе со остеопороза, бидејќи минералите ја зајакнуваат и структурата на коските. Витамините во булгурот го зајакнуваат имунитетот, исто како и цинкот. Бидејќи ја подобрува циркулацијата и протокот на крв, истовремено го намалува крвниот притисок и влијае на општото здравје на кардиоваскуларниот систем.
