Смути, се попопуларните пијалаци, се најбрз начин да ги внесете во организмот сите потребни хранливи материи, витамини и сето она што ви дава енергија во тек на денот.
Спанаќ, авокадо и лимон, вашиот избор не може да биде погрешен. Спанаќот содржи витамини А и Ц и влакна, фолна киселина, магнезиум и 13 различни флавоноиди, кои помагаат против рак на дебелото црево, белите дробови и дојките, додека авокадото содржи витамин Б5, кој на нашето тело му помага да ги претвори јаглехидратите во гликоза, која телото потоа ја користи за енергија.
Потребни состојки:
- 2 лимона
- 2 авокада, исчистени и исечкани
- 100 г листови од спанаќ
- 200 мл вода
Подготовка:
Исцедете го сокот од двата лимона, ставете го во блендер со крупно исечениот спанаќ и авокадо, а потоа додадете вода и мешајте се додека не ја добиете посакуваната текстура. Може да го декорирате со ореви, билки или разни семиња.
