![BRUZITIS](https://panacea.mk/wp-content/uploads/2018/11/BRUZITIS-696x347.jpg)
Зглобот на рамото го чинат коската на надлактицата и лопатката. Зглобната површина на коската на надлактицата е конвексна, заоблена, додека зглобната површина на лопатката е конкавна, односно вдлабната. Главата на коската на надлактицата и чашката на лопатката ги опкружуваат и ги врзуваат лигамнети кои даваат цврстина и го држат зглобот на рамената на место.
Рамото е исклучително подвижен зглоб и мора добро да биде контролиран од страна на мускулите и лигаментите што го пкружуваат зглобот. Заморот, прекумерното тренирање, лошата техника на замав, лошата подвижност, раните повреди на зглобот… се се тоа причини кои може да доведат до оштетување на чашката на зглобот, бурзитис, оштетување на рскавицата и слично.
Во структурата на зглобот на рамото, постојат две големи слузни ќеси исполнети со течност (бурзи) во рамото, кои ги олеснуваат движењата на околните мускули и го намалуваат трнењето.
Бурзи – Тие се во непосреден контакт со ротаторната обвивка и при некои повреди или микротрауми може да дојде до иритација на тие бурзи. Од, засега непознати причини во ткивото на ротаторната обвивка на рамената може да дојде до создавање на наслаги од калциумова сол. Тие наслаги го влошуваат воспалението на бурзата – бурзитис на рамената.
Во акутен стадиум присутни се многу силни спонтани болки – во мирување и во текот на ноќта. Активните и пасивните движења на рамената се многу болни и ограничени, а често постои и оток. Ако не се лекува на време доаѓа до хроничен стадиум со фиброзирање и задебелување на ѕидовите на бурзите и создавање на цврста капсула.