Бустер дозата вакцина против коронавирусот ја зголемува заштитата од смрт од омикрон варијантата на 95 проценти кај лицата постари од 50 години, објави Агенцијата за национална безнедност на Обединетото Кралство.
Агенцијата информираше дека околу шест месеци по втората доза од било која вакцина против КОВИД-19, заштитата од смрт по зараза со омикрон варијантата била околу 60 проценти кај лицата над 50 годишна возраст.
Меѓутоа, процентот се зголемил на 95 две недели по примање на бустер доза вакцина.
Од Агенцијата додаваат дека податоците и понатаму покажуваат високо ниво на заштита од хоспитализација по примање на бустер доза вакцина.
“Доказите се јасни – вакцината помага во заштита на сите нас од влијанието на КОВИД-19, нуди високо ниво на заштита од хоспитализација и смрт кај најранливите категории во општеството“, вели д-р Мари Рамсај, раководител на програмата за вакцина при оваа Агенција.
Стручњаците објавија и почетна анализа на ефикасноста на вакцината против подваријантата на омикрон наречена ВА.2 која е во пораст во Британија и во Данска, пронаоѓајќи сличнониво на заштита од симптоматка болест.
“По две дози вакцина, ефикасноста беше девет проценти, односно 13 проценти за ВА.1 и ВА.2, по повеќе од 25 недели од таа доза“, укажуваат од Агенцијата.
“Тоа се зголемило на 63 проценти за ВА.1 и 70 проценти за ВА.2 во период од две недели од бустер доза“.
