Одделни растителни чаеви можат да помогнат при синдром на иритабилен колон на тој начин што ги ублажуваат стресот и напнатоста, додека истовремено ги опуштаат стомачните мускули и ги намалуваат грчевите.
Чајот од нане одобрува варењето и ја намалува надуеноста. Одделни истражувања укажале на тоа дека нането би можело да помогне и кај синдром на иритабилен колон.
Семе од анасон делува антиинфламаторно и аналгетски. Истражувањата спроведени над животни покажале дека есенцијалното масло од анасон ефикасно ги опушта мускулите, како и дека помага во лекувањето на опстипација (запек), која може да биде еден од симптомите на иритабилен колон. Чајот се прави така што 1 до 2 чажички семе од анасон се ситни и се сипува во 500 мл вода што врие. Чајот се вари 5 до 10 минути на тивок оган, па се процедува.
Чај од дива миродија се користи за намалување на гасовите, надуеноста и стомачните грчеви. Овој чај, исто така, ја ублажува опстипацијата. Едно истражување покажало дека комбинацијата од масло од куркума и дива миродија дава позитивни резултати во лекувањето иритабилен колон. Чајот од семе од дива миродија се прави исто како и чајот од анасон.
Позитивните ефекти на чајот од камилица врз дигестивните проблеми се добро познати, а истражувањата покажале дека камилицата би можела да ги намали симптомите на иритабилен колон. Оваа билка делува антиинфламаторно и ги опушта мускулните спазми кои се поврзуваат со цревните тегоби. Истражување од 2015 година потврдило дека камилицата видно ги ублажува симптомите на иритабилен колон, како и дека овие ефекти се задржуваат и неколку недели после престанокот на користење камилица.
Почнете со еден вид чај да видите како реагира вашиот организам. Доколку дојде до засилување на симптомите, престанете со консумирање веднаш.
