Одделни чаеви благодарение на антиоксидантите во себе поттикнуваат исфрлање на токсините од организмот. Овие чаеви така можат краткорочно да го забрзаат метаболизмот и да ги поттикнат процесите за варење и слабеење.
Чај од корен од глуварче – традиционално се користи како помош кај дигестивните тегоби и како диуретик. Истражувањата освен диуретско дејство потврдиле и благо лаксативно дејство на овој чај.
Чај од плод од шипка – благодарание на антиоксидантите може да се забрза слабеењето. Едно истражување дури потврдило дека редовното консумирање екстракт од шипка доведува до намалување на абдоминалните висцерални масти.
Чај од коприва – одличен е за личности кои се склони на задржување течности во организмот. Овој чај, исто така, го поттикнува метаболизмот и истовремено го зајакнува имунитетот.
Зелен чај – катехините од зелениот чај го забрзуваат метаболизмот и поттикнуваат согорување на мастите.
