Чајот од камилица најчесто го користиме кај дигестивни тегоби, иритации на очи или, пак, со цел опуштање кога сме под стрес. Меѓутоа ова не се единствените позитивни ефекти на оваа лековита билка. Камилицата содржи антиоксиданти кои го зајакнуваат имунитетот и ги ублажуваат воспалителните процеси и болките во организмот. Исто така, чајот од камилица не само што не смирува и помага при несоница, туку и самиот мирис на етеричното масло од оваа билка помага при анксиозност и го подобрува расположението.
Благодарение на флавоноидите кои ги содржи, камилицата делува и кардиопротективно – за подобро кардиоваскуларно здравје се препорачува пиење на една до две шолји чај дневно.
Камилицата ги смирува и грчевите во цревата и ги опушта мускулите во абдоменот, па така помага и при лошо варење, мачнина, дијареја. Со консумирање на чај од камилица се смируваат и воспалените непца, а одличен е и во зацелувањето на афтите. Една шолја чај од камилица дневно, најдобро пред спиење, е едноставна превентива против многу болести, а е и решение за добра форма и расположение.
