Употребата на кантарионот датира уште од времето на античките Грци и Хипократ, кој прв ја забележал неговата медицинска употреба. Кантарионот е повеќегодишна билка, со жолти цветови и разгранет корен. Потекнува од Европа, а вирее во региони со умерена и суптропска клима низ целиот свет.
Има антибактериско и антивоспалително дејство и се користи кај рани и изгореници
Се употребува и при дигестивни нарушувања и чир на желудникот
Етеричното масло од канторион ги спречува грчевите, надуеноста и другите стомачни проблеми
Кантарионот е познат и како средство против блага депресија, промени во расположението и главоболка предизвикана од стрес. Се користи во форма на чај, капки, капсули, таблети.
Подготовка на чај: Потребна ви е една мала лажица суви цветови и листови од кантарион, кои треба да се прелијат со 250 мл зовриена вода. Потоа оставете го чајот покриен да отстои 10 минути. Чајот од кантарион треба да се пие два пати на ден, наутро и навечер.
Совет: Кантарионот е во интеракција со голем број на лекови, особено со оние кои влијаат на централниот нервен систем. Треба да се биде внимателен со неговата употреба бидејќи на тој начин го намалува ефектот на другите лекови и предизвикува тегоби опасни по здравјето на организмот. Кантарионот самостојно дејствува како сосема безбеден и природен антидепресив, кој ја отстранува главоболката.
