Чајот од зеленчук е хранлив пијалак кој ќе ви помогне да го одржите постојано нивото на енергија. Подгответе го во поголема количина затоа што можете да го пиете во текот на денот наместо чај и кафе.
Потребни состојки:
- 2 литри вода
- 3 моркови
- 1 сладок компир (батат)
- целер (стебло)
- 2 кромида
- 1 праз
- 2 компири
- 3 чешниња лук
- 6 зрна црн пипер
- 1 ловоров лист
- мало врзопче магдонос
- морска сол
- маслиново масло, за сервирање
Начин на приготвување: Додека го подготвувате зеленчукот, ставете ја водата да зоврие. Морковите и слаткиот компир излупете ги и исечкајте ги на покрупни парчиња. Целерот исечкајте го грубо. Излупете го кромидот и исечете го на четвртинки. Исечете го долниот крај на празот и тргнете го на страна, па потоа исечкајте го празот на покрупни парчиња. Компирите исечете ги на четвртинки. Штом ќе зоврие водата додадете го зеленчукот, лукот, црниот пипер и ловоровиот лист. Листовите од магданос исечкајте ги и оставете ги настрана, а стебленцата грубо исечкајте ги и додадете ги во зеленчукот. Покријте и намалете го огнот, па гответе 30 минути.
Процедете го зеленчукот и оставете го настрана, а течноста сочувајте ја. Кога ќе сакате да се напиете од чајот од зеленчук, подгрејте и посолете. Послужете со малку сечкани листови од магдонос и по желба додадете малку маслиново масло.
