Водата е течност која е многу важна за здравјето и за состојбата на целиот организам, но многу луѓе ја прескокнуваат и ја потценуваат редовната хидратација. Специјалистите за исхрана и лекарите препорачуваат да се пијат околу два литра вода на ден, додавајќи дека многу е корисно да се испие чаша вода пред да се легне да се спие.
Истражување спроведено минатата година покажало дека недостигот на вода во организмот води до депресија, а, исто така, може да придонесе за значително нарушување на сонот. Тоа испитување покажало дека консумирањето вода пред спиење влијае на расположението, односно дека лицата кои редовно пијат вода се посреќни, позадоволни и поспокојни.
Чаша ладна вода пред спиење го стимулира варењето на храната и детоксикацијата на организмот. Топлата вода ја стимулира циркулацијата, помага за слабеење и придонесува за исфрлање на токсините преку потењето.
Водата пред спиење обезбедува доволна хидратација, но, исто така, ги намалува болките во мускулите и во желудникот. Во водата може да се додадат и неколку капки лимон што ќе го збогати вкусот и ќе обезбеди одредена количина на витамин Ц во телото.
