Изгледот на кожата лесно може да открие одредени здравствени проблеми. Бледило, осип или акни понекогаш може да укажуваат на проблеми со бубрезите, белите дробови или недостаток на одредени витамини и минерали.
Бледо лице
Бледата кожа упатува на анемија и недостаток на железо, но, исто така, може да укажува и на нарушено здравје на белите дробови и бронхиите. Ако се сомневате дека имате анемија, направете анализа на крвта, а исхраната збогатете ја со зелен зеленчук, риба и витамин Ц. Бледата кожа со сини нијанси околу носот и устата јасно укажува на проблеми во работата на срцето, па препорачливо е да ги направите потребните кардиолошки прегледи.
Општото црвенило, особено по физички напор, е еден од знаците на хипертензија
Сува кожа
Ако вашата кожа е сува и се перути, можеби не внесувате доволно течности. Но, ако со овие симптоми забележувате и мали воспаленија на лицето, можно е да постои проблем во работата на бубрезите и органите за излачување. Потребно е да направите анализа на урината, биохемиски тест на крвта и ултразвук на карлицата. Благото перутање на кожата на носот може да укажува на недостаток на цинк во телото.
Осип и мозолчиња
Појавата на крупен осип на лицето, како и ситни мозолчиња на образите, укажуваат на тегоби со желудникот или цревата, па треба да внимавате на квалитетот на исхраната. Ако на вратот или лицето повремено се појавуваат црвени дамки, најчесто се работи за алергија на храна или некој лек. Општото црвенило на лицето, особено по физички напор, е еден од знаците на хипертензија.
Жолта кожа
Ако кожата добила жолтеникава нијанса, итно треба да го прегледате црниот дроб и жолчното ќесе, бидејќи можеби дошло до застој на излачување на жолчката и до воспалителни процеси. Сувата, бледожолтеникава кожа укажува на одредени нарушувања во варењето на храната, на хроничен гастритис или чир на желудник, што може да се испита со гастроскопски преглед.
