Желудникот изгледа како ќесе во форма на зрно грав. Иако гладтта и болките во желудникот ги чувствуваме вооичаено по средината на горниот дел од абдоменот, желудникот е сместен на неговата горна лева страна.
Откако ќе ја изџвакаме (прва фаза на дигестијата) и ќе ја проголтаме храната или ќе испиеме течност, потребни се две до седум секунди низ хранопроводот да стигне до желудникот. Кога оброкот ќе заврши, се затвораат сфинктерите на влезот на хранопроводот во желудникот, и на излезот од желудникот кон тенкото црево. Почнува вората фаза на дигестија.
Кога храната ќе стигне во желудникот, во неговиот ѕид почнуваат да се излачуваат киселина и ензими кои почнуваат да разградуваат одредена храна како би можела да продолжи кон тенкото црево. Истовремено желудочните мускули се стегаат како би ја сомлеле храната и измешале со киселината и ензимите.
Желудникот спаѓа во прва одбранбена линија на организмот. Желудочната киселина ги уништува штетните микроорганизми и токсини кои може да влезат во телото со храната и пијалоците. Киселината е толку јака што може да разгради и мал метален предмет, како шајка.
Желудочната киселина би можела да го дигестира и желудникот, ако природата не го спречила тоа, така што желудникот произведува и леплива, неутрализирчка слуз која ги прекрива неговите ѕидови, ја разредува киселината и спречува штета. Слојот на таа слуз се обновува секои две недели.
Кога е празен и опуштен, желудникот на возрасен човек е со зафатнина од 75 милилитри. Но, со оглед дека е многу растеглив, просечен желудник може одеднаш да прими околу еден литар храна. Желудникот кај новороденче може да содржи само 30мл храна.
За варење на еден оброк, потребни се 4 до 6 часа, па и повеќе.
Во желудникот, храна само делумно се вари. Најголемиот дел од дигестијата се извршува во тенкото црево, во кое хрната од желудникот доаѓа во кашеста форма.
Човек може да живее и без желудник. Ако поради болест му бил отстранет цел желудник, се прави радикална гастректомија, и хранопроводот се спојува со дуоденумот. Секако, потеребно е и прилагодување на исхраната.
Ако имате тегоби, може да ги намалите, ако веднаш по јадење не легнувате, не јадете пред спиење и дневно внесувате осум чаши течности (вода, чаеви, супа).
