Возрасните треба секој ден да консумираат 400 микрограми фолна киселина, покажуваат истражувањата на американскиот Институт за медицина. Оваа супстанција, исто така позната како витамин Б9, е од витално значење за нашето здравје, бидејќи му помага на нашето тело да ја подобри ДНК и да произведува црвени крвни зрнца.
Ако на телото му недостасува фолна киселина, често се јавуваат одредени симптоми, дури и анемија. Најчести знаци дека ни треба повеќе фолна киселина се:
Когнитивни проблеми
Фолната киселина е исклучително важна за централниот нервен систем. Ако телото го нема овој витамин, може да се соочите со депресија, да имате проблеми со концентрацијата и да се чувствувате расеано и раздразливо. Ако не се лекува правилно, дефицитот на фолна киселина, исто така, може да го зголеми ризикот од развој на сериозни нарушувања како што се деменција или Алцхајмерова болест.
Болка во телото
Во тешки случаи на анемија предизвикани од недостаток на фолна киселина, мозокот добива помалку кислород отколку што треба. Како одговор, мозочните артерии почнуваат да набабруваат, а резултат на тоа се големи главоболки. Во овој случај, мозокот не е единствениот орган без кислород, така што болка може да се чувствува и во другите делови на телото, особено во градите и нозете.
Бледа кожа
Хемоглобинот, протеин кој се наоѓа во црвените крвни зрнца, е одговорен за транспорт на кислородот од белите дробови до сите ткива на вашето тело. Кога телото нема витамин Б9, нема ниту доволно црвени крвни зрнца и хемоглобин, за да обезбеди потребна количина на кислород за внатрешните органи. Ова може да доведе до чувство на мускулна слабост, замор, вкочанетост во рацете и нозете и бледа кожа.
Недостаток на здив
Со овој симптом, исто така, може да почувствувате забрзано биење на срцето и чувство на вртоглавица, па дури и несвестици.
Проблеми со варењето
Гастроинтестиналните симптоми како гадење, повраќање, абдоминална болка и дијареа после јадење може да бидат првите индикации дека на вашето тело му е потребна фолна киселина. Во тешки случаи, исто така, може да страдате од анорексија, што обично доведува до значително губење на тежината.
Ранички во устата и отекување на јазикот
Овие симптоми обично се јавуваат кога дефицитот на фолна киселина е навистина сериозен, па затоа не треба да се игнорираат. Јазикот може да изгледа отечен, црвен или сјаен, обично околу врвот и на рабовите околу врвот. Заради намалениот број на црвените крвни клетки, исто така, може да чувствувате болка при голтањето.
Намалено чувство за вкус
Според некои студии, покрај нарушувањето на усната шуплина, недостатокот на фолна киселина може да доведе до проблеми со варењето на храната.
