Рацете во себе ги содржат најчувствителните рецептори за допир кои преку нервите се поврзани со мозокот. Меѓутоа, доколку некои од тие нерви е оштетен или притиснат мозокот не може да одговори на сигналите кои рецепторите ги испраќаат и рацете почнуваат да трпнат.
Стручњаците истакнуваат дека ако ова ви се случува често ризикувате две опасни состојби –проблем со штитната жлезда и мозочен удар. Хипотиреоза или недостаток на хормонот на штитната жлезда може да доведе до оштетување на нервниот систем, а како сигнал за тоа често се јавува трпнење на рацете. Ако покрај овој симптом забележите дека сте почнале да добивате и на тежина, ви паѓа косата или постојано ви е ладно, што поскоро појдете на лекар.
Лекарите истакнуваат дека оваа појава и чувството на печење во рацете може да биде и сигнал за мозочен удар. Други симптоми се искривена уста, отежнат говор или неможност за јасно расудување, вртоглавица и замаглен вид. Ако ги имате овие симптоми, веднаш на лекар!
