Психотерапевтката д-р Кетрин Смерлинг се согласува со тоа дека фокусирањето на бројките на вагата може да се претвори во една нездрава опсесија при што можеме да заборавиме на важноста на „доброто чувство во телото и духот“.
„Ако сте качиле половина килограм, тоа навистина може да ве депримира“, објаснила д-р Смерлинг „Ако, пак, сте симнале половина килограм, тоа може да доведе до восхитување и чувство дека може да се наградите. Постојаното мерење обично има јо-јо ефект врз нашите чувства подеднакво како и на тежината“.
Меѓутоа ако вашата цел е губење на телесната тежина, броевите на вагата може да бидат скапоцена информација и начин за следење на напредокот. Ако неодамна сте ја смениле исхраната или го засилиле нивото на активност, мерењето може да биде добар показател дали тоа го правите добро или не.
Сертифицираниот личен тренер и нутриционист Чад Хардгров не е обожавател на мерењето еднаш неделно, тој претпочита да се пресмета неделен просек
„Ако се мерите секое утро, може да пресметате просек од седум дена за попрецизно да го илустрирате вистинскиот напредок со текот на времето“, додал Хардгров.
Она што е добро во секојдневното мерење е фактот што ви дава поголема слика.
Истражувањето спроведено од страна на Универзитетот Корнел покажало дека мажите и жените кои секојдневно се мереле и ги следеле резултатите – не само што ослабеле, туку после две години просечната тежина била без големи осцилации.
Бидете свесни дека секој ден ќе гледате флуктуации. Тоа е сосема нормално, а зависи од тоа дали сте ги испразниле цревата, колку сте изеле и испиле ден претходно, колку сте вежбале ја задржувате ли водата или не … Но, знаејќи дека е она што се смета е сепак просек од тие седум дена, немојте многу да размислувате за дневните флуктуации.
