Најдобро е да се користи непреработен јаболков оцет – нефилтриран и непастеризиран. Доколку не постои можност за користење на таков, добро ќе послужат и поквалитетни видови кои може да се купат.
Еве на кои здравствени тегоби јаболковиот оцет ќе делува благотворно.
Го чисти носот и дишните патишта – Јаболковиот оцет може да помогне при одзатнување нос, бидејќи содржи калиум кој го разредува секретот и така помага да се расчистат дишните патишта. Исто така, при воспаление на грлото, јаболковиот оцет помага во ублажувањето на симптомите. Во тој случај, традиционалната медицина препорачува да растворите две лажици во чаша вода и да пиете три пати на ден.
Помага при регулирање на шеќерот – Научните истражувања покажале дека јаболковиот оцет може да ја подобри чувствителноста на инсулин кај инсулинските резистенции или дијабетесот тип 2. Во едно истражување, при кое испитаниците пиеле јаболков оцет пред оброк богат со јаглехидрати, нивото на шеќерот во крвта не им се зголемило како кај оние кои го јаделе истиот оброк, но не пиеле јаболков оцет. Во друго истражување, лица со дијабетес тип 2, кои пиеле по две лажици јаболков оцет пред спиење, имале пониско ниво на шеќер пред оброк.
Ги олеснува киселините – Обично се смета дека враќањето на желудочната киселина е последица на премногу желудочна киселина која се враќа во хранопроводот, но е токму спротивното. Враќањето на киселината е последица на недостаток на желудочна киселина и недостиг на ензими и корисни бактерии, што на крајот го попречуваат правилното варење на храната. За да се поправи pH вредноста во желудникот и да се поттикне добро варење, препорачливо е да се испие јаболков оцет во чаша вода 5 минути пред оброк. Тоа ќе придонесе да се намали киселината по оброкот.
Помага при слабеење – И ова е потврдено со научни истражувања. Последната студија укажува на тоа дека јаболковиот оцет природно го намалува апетитот, што значи дека помага да се јаде помалку, а помага и во исфрлање на вишокот вода со тоа што спречува задржување на вода во организмот. Покрај тоа, јаболковиот оцет го поттикнува метаболизмот и помага за подобро варење, што дополнително влијае во регулирањето на телесната тежина.
